|
|
Trosedd ddifrifol
Adran 93 (4) Deddf yr Heddlu: Yn cynnwys defnyddio trais, yn arwain at ennill ariannol sylweddol neu'n cael ei chyflawni gan nifer fawr o bobl ar drywydd pwrpas cyffredin; neu bydd y drosedd yn un y gallai person 21 oed neu hyn heb unrhyw gollfarnau blaenorol yn ei erbyn ddisgwyl yn rhesymol gael dedfryd o dair blynedd neu ragor yn y carchar am ei chyflawni.
Gwybodaeth bersonol gyfrinachol
Adran 99(1) o Ddeddf yr Heddlu: Gwybodaeth bersonol y mae person wedi ei chael neu wedi ei chreu yng nghwrs unrhyw fasnach, busnes, proffesiwn neu alwedigaeth arall, ac y mae'n ei chadw'n gyfrinachol; a chyfathrebiadau sy'n arwain at gael neu greu gwybodaeth bersonol, a'i chadw'n gyfrinachol.
Gwybodaeth bersonol
Adran 99(2) o Ddeddf Yr Heddlu: Gwybodaeth am unigolyn (byw neu farw) y gellir ei adnabod oddi wrthi, ac sy'n ymwneud â'i iechyd corfforol neu feddyliol neu gwnsela neu gymorth ysbrydol a roddid iddo neu oedd i gael ei roi iddo.
Ar-wylio cudd
Adran 26(9)(a) o'r Ddeddf Rheoleiddio Pwerau Ymchwiliol (RIPA): Os, ac os yn unig, y caiff ei wneud mewn modd a fwriadwyd er sicrhau nad yw'r personau sy'n destun yr ar-wylio yn ymwybodol ei fod yn digwydd.
Ar-wylio
Adran 48(2) o RIPA:
- monitro, arsylwi, gwrando ar bersonau, eu symudiadau, sgyrsiau, gweithgareddau neu gyfathrebiadau eraill
- cofnodi unrhyw beth a gafodd ei fonitro, neu yr arsylwyd arno neu y gwrandawyd arno yn ystod cwrs yr ar-wylio
- ar-wylio, trwy neu gyda, chymorth dyfais ar-wylio.
Mae ar-wylio yn gallu bod
- yn ôl cyfarwyddyd
- yn ymwthiol.
Ar-wylio yn ôl cyfarwyddyd
Adran 26(2) o RIPA: CCudd, ond nid ymwthiol, gwneir hyn
- ar gyfer ymchwiliad neu weithrediad penodol
- mewn modd sy'n debygol o roi gwybodaeth breifat am unigolyn (pa un a yw'r person hwnnw wedi ei dargedu'n benodol i bwrpasau ymchwiliad ai peidio); ac
- nid fel ymateb uniongyrchol i ddigwyddiadau a fyddai fel arall yn gwneud ceisio awdurdodiad o dan y Ddeddf yn afresymol ee gweld rhywbeth amheus a pharhau i gadw golwg arno.
Ymwthiol
Adran 26(3) o RIPA: Dim ond os yw'n gudd ac
- yn cael ei wneud mewn perthynas ag unrhyw beth sy'n digwydd ar eiddo preswyl neu mewn cerbyd preifat, ac
- yn ymwneud â phresenoleb unigolyn yn yr adeilad neu'r cerbyd neu fod dyfais ar-wylio'n gwneud y gwaith.
Gwybodaeth breifat
Adran 26(10) o RIPA: Mewn perthynas â pherson, mae'n cynnwys unrhyw wybodaeth am ei fywyd preifat neu deuluol.
Ffynonellau Cudd-ymchwil Dynol (CHIS)
Adran 26(8)(a)-(c) o RIPA:Person sy'n sefydlu neu'n cynnal perthynas bersonol neu berthynas arall gyda pherson i'r pwrpas cudd o hwyluso gwneud unrhyw beth sydd
- yn defnyddio perthynas felly yn gudd i gael gwybodaeth neu roi mynediad i wybodaeth i berson arall; neu
- yn datgelu'n gudd wybodaeth a gafwyd trwy ddefnyddio perthynas o'r fath, neu o ganlyniad i fodolaeth perthynas o'r fath.
Ymddygiad a defnydd o CHIS
Adran 26(7)(a)(b) o RIPA:
- Ymddygiad
Sefydlu neu gynnal perthynas bersonol neu berthynas arall gyda pherson i'r pwrpas cudd (neu fel eilbeth) o gael gwybodaeth a'i phasio ymlaen.
- Defnydd
Gweithredoedd yn cymell, yn gofyn neu'n cynorthwyo person i weithredu fel CHIS.
|
|
